Galiza

Xa está na rua o número 7 de Solidariedade Obreira, órgao da CNT galaica.

Desta volta tratan-se temas como a reforma das pensións, o proceso contra o compañeiro Brais por ter reclamado o seu direito a impartir aulas en galego e denunciar a presenza policial nos liceos, ou a subcontratación na administración pública.

Unha volta máis, e xa van 4 anos, desde a sección sindical de CNT no Siega queremos "celebrar" o dia do patrón da precariedade laboral repasando os acontecementos deste último ano neste departamento informático da Consellería de Educación da Xunta de Galicia.

Porqué a CNT vai participar na mobilización do día 27

A Federación Local da CNT de Ferrol vai participar na mobilización convocada pola plataforma Rumbo 21 o vindeiro sábado 27 de marzo. E vaino facer para amosar a súa indignación polos continuos atropelos que padece a clase traballadora nesta bisbarra.

O venres 26 de marzo, ás 20 h., o compañeiro José Manuel García Sanz, de Candás, falará no local da CNT da Coruña sobre os enganos e as mentiras da crise.

A Sentenza do xulgado do Contencioso-Administrativo nº 2 de Santiago, ordena à Administración a que repoña a Brais no seu direito a estar nas listas de interinos e substitutos.A sua vez rebaixa notoriamente o número de sancións inicialmente impostas; pese a este resultado, a CNT non fica conforme, xa que as interpretacións acerca das funcións da guarda civil fan-nos lembrar (e temer) o tipo de Estado no que vivemos. Por outra banda, non se cuestiona a ilegalidade da Addenda que permite botar das listas de substitución a toda aquela persoa que sexa suspendida de emprego e soldo, con independéncia da gravidade ou irreleváncia dos factos polos que sexa condenada.

O preso Amadeu Casellas saíu onte da prisión, despois de vinte e catro anos encarcelado. O director do centro penal de Xirona unificou os expedientes do antigo código penal e do novo e, unha vez feito os cómputos das penas, concluíu que Casellas cumpriu oito anos de pena que non lle correspondían.