Prensa obreira

Galiza

CNT gaña a partida á Xunta co teletraballo

Xunta

  • Informático da AMTEGA consegue ampliar os días de teletraballo ata o máximo establecido
  • CNT referente para o exercicio pleno dos dereitos na Xunta de Galicia

A Axencia para a Modernización Tecnolóxica de Galicia (AMTEGA) da Xunta de Galicia ven de recibir un novo varapalo da xustiza tras denuncia dun dos seus empregados afiliado á CNT.  
O traballador viuse na obriga de presentar demanda en materia de dereitos de conciliación da vida persoal, familiar e laboral contra a súa resolución de teletraballo ao concederselle só 1 xornada á semana en vez dos 3 días solicitados, o que viña sendo habitual e sistemático na Amtega.

CNT solidarizase co CSOA Escarnio e Maldizer

  • mani Escarnio e MarldizerCondenase o desaloxo violento do centro social o pasado 30 de maio
  • CNT anima a participar na manifestación convocada para este próximo sábado 10 de xuño ás 21h na Alameda compostelana

A CNT súmase ao apoio de numerosas persoas e colectivos contra o desaloxo do compostelano Centro Social Escarnio e Maldizer que tivo lugar o pasado 30 de maio, e anima a participar na manifestación convocada para este próximo sábado 10 de xuño ás 21h na Alameda.

Os GES organízanse polo seu futuro

  • Logo GESA CNT ven de solicitar reunión coa Deputación de Pontevedra e o Consorcio Contraincendios
  • Os GES de A Guarda promoven xuntanza entre compañeiros/as dos distintos concellos para dar voz aos traballadores/as o 3 de xuño en Moaña

No ecuador do segundo convenio entre Xunta, Deputacións e Concellos que regula o traballo dos Grupo de Emerxencias Supramunicipal (GES) continúa a incerteza sobre a continuidade dos postos de traballo. Os traballadores/as das emerxencias tras anos de servizo á veciñanza, en non poucas veces arriscando a súa vida e con escaseza de medios, cumpriron coa súa encomenda e esixen que as administracións cumpra tamén coa súa parte.

CNT denuncia o ERTE ilegal de Pórtico Comunicaciones

  • Portico logoDestapase outro entramado empresarial fraudulento que alega causas económicas para os despedimentos
  • O 25% da plantilla vese afectada pola suspensión dos seus contratos

A firma audiovisual compostelana Pórtico Comunicaciones ven de impoñer o pasado abril un Expediente de Regulación Temporal de Emprego (ERTE) para parte da súa plantilla alegando causas organizativas e produtivas.

CNT denuncia este ERTE por consideralo ilegal e ser na realidade unha maniobra do grupo de empresas patolóxico denominado Atlantida Media, que a compostelana Pórtico Comunicaciones forma, xunto coas empresas radicadas no Concello de Ames: Zenit Televisión e Cinemar Films.

O Concello de A Guarda incumpre a lexislación de prevención e seguridade

  • GES SoluciónO Concello non facilita a información e acumula incumprimentos na materia, especialmente no servizo de emerxencias
  • A resolución da Inspección de traballo deu a razón á denuncia de CNT máis o Concello continúa sen dar solucións

A Sección de CNT no Concello de A Guarda leva solicitando meses ao Concello que se comunique o plan de prevención e o análise de riscos e que cumpra co regulamentado en materia de prevención e seguridade.

Ante as constantes evasivas e negativas por parte dos responsables do Concello, a CNT presentou denuncia ante a Inspección de Traballo e Seguridade Social de Pontevedra. A resolución da Inspección de Traballo foi clara e ratificou as denuncias aportadas desde a Seccion Sindical obrigando ao Concello de A Guarda a facilitar a información en materia de prevención e seguridade, a elaborar os informes pertinentes dos que carece e a subsanar as deficiencias atopadas.

Nova condena ao colexio Santa Apolonia

  • Declarase nula a decisión da empresa de suprimir funcións docentes dun profesor
  • Constátase unha nova victoria da CNT sobre o colexio privado Santa Apolonia de Compostela

 

A xustiza ven de declarar a nulidade da decisión do colexio Santa Apolonia de suprimir as funcions docentes que viña desenvolvendo coma profesor o Delegado da Sección Sindical da CNT. A sentenza condena á empresa compostelana a restituír nas funcions docentes ao noso compañeiro dentro da súa xornada de traballo.

1 de maio, sindicalismo combativo e eficaz

Primeiro de Maio

  • A convocatoria de Compostela destaca cunha ampla participación
  • Crece a vontade de tomar as rúas na reconquista de liberdades

Unha ampla participación secundou a manifestación convocada pola CNT e outras forzas sindicais e sociais no Dia da Clase Traballadora. Neste 2017, despois de anos de certo letargo e espera de solucións electorais, centos de persoas saíron ás rúas nun ambiente combativo.

A manifestación compostelana partiu da praza 8 de marzo percorrendo rúas da Zona Vella e do Ensanche para terminar na praza do Toural. No final da mobilización ouviuse a voz das organizacións convocantes, entre elas a de Martin Paradelo, actual Secretario Xeral do Comité Confederal da CNT, que arrancou os aplausos da xente cun apaixoado mitin. Un discurso en que resaltou a necesidade da loita das traballadoras, diaria e sen tregua, abocada á revolución, a toma e control dos medios de produción e a construción dunha nova sociedade sen clases e sen explotación.

En Ourense a manifestación do bloque crítico, do que CNT fai parte, saíu da Ponte Romana e percorreu as rúas do casco vello coreando consignas en favor do traballo digno e contra a corrupción política e o capitalismo. A mobilización rematou nos xardíns Padre Feijó onde tivo lugar a lectura do manifesto conxunto.

O sindicato CNT valora «positivamente a mobilización deste 1 de maio» pois, segundo asegura, «vese que a xente ten ganas de tomar a rúa á marxe do sindicalismo de concertación das grandes corporacións sindicais«, e fai fincapé «na construción desde a diversidade e a xenerosidade das organizacións convocantes dunha verdadeira alternativa sindical».

1º de maio. Eu na CNT. O sindicato que nos dá forza e voz

Primeiro de Maio

Manifestación do Primeiro de Maio COMPOSTELA

Convocan: CNT, CUT, STEG, SAGAP, Foro Galego de Inmigración

12h30: manifestación con saída da Porta do Camiño/Praza 8 de marzo e mitin final na Praza do Toral

14h30: xantar aberto e concertos na Praza 8 de marzo

Manifestación do Primeiro de Maio OURENSE

Convocan: CNT, CUT, STEG, CGT, ST

12h: manifestación con saída da Ponte Romana e mitin final nos Xardíns Padre Feijoo

 

Hoxe os ataques á clase obreira son cada vez de maior magnitude. Nos últimos anos vimos como retrocedían moitas das conquistas que durante anos e anos o movemento obreiro tivo que conquistar e defender. O pretexto da crise económica serviu como catalizador para todo tipo de agresións e cortes de dereitos.

Unha enorme taxa de desemprego como resultado das políticas de destrución de emprego impulsadas polos gobernos ao ditado da patronal e das institucións financeiras internacionais; unha descida constante dos salarios á vez que aumentan os despedimentos e os expedientes de regulación; un aumento da represión perante calquera manifestación de disidencia e calquera forma de loita contra o sistema; incontábeis cortes en servizos básicos e universais... todo unido a unha corrupción sistémica escandalosa e obscena conforman un negro panorama que pode provocar que se instale na clase obreira a desesperación, o medo e a parálise.

Mais os tempos do silencio e da submisión quedan moi atrás, os traballadores e as traballadoras somos conscientes de este ser o momento de avanzar, impor a nosa forza e a nosa voz.

A CNT denuncia o entramado empresarial de Confecciones Deus

Confecciones Deus (Ordes)

  • A firma textil de Ordes despide cun ERE extintivo máis de cen traballadoras
  • A CNT denuncia que o grupo empresarial, cun entramado ficticio de máis dunha ducia de empresas, cometeu fraude fiscal e procuraba a súa descapitalización.

A CNT ven de presentar demanda por despedimento contra Confecciones Deus e todo o seu entramado empresarial derivado do Expediente de Regulación de Emprego (ERE) extintivo que a empresa de Ordes presentou o pasado mes de marzo e que supuxo a perda do posto de traballo para máis de cen traballadoras.

A CNT denuncia que Confecciones Deus é, na realidade, un entramado empresarial ficticio, conformado por máis dunha ducia de empresas creado para levar a cabo prácticas fraudulentas tanto en materia laboral como fiscal e que vulnera os dereitos elementais das súas traballadoras.

Contra a persecución das ideas, polos dereitos para todas!

  • CNT subscribe o manifesto Abrolhar que pide o arquivo da causa aberta contra o independentismo galego
  • A central anarcosindical anima a participar na mobilización deste 23 de abril en Compostela

A CNT súmase ao apoio de numerosas persoas e colectivos sindicais e sociais contra a aperación Jaro, o proceso xudicial aberto en 2015 na Audiencia Nacional contra independentistas galeg@s.

O manifesto Abrolhar, esixe do Goberno español o arquivo defintivo da causa aberta no tribunal contra estes militantes militantes independentistas da organización Causa Galiza e demanda a finalización deste tipo de operativos policiais lembrando que a pesar deste operativo, a organización independentista Causa Galiza volveu ser legalizada tras ser suspendida de actividades pola citada instancia xudicial.

O próximo 23 de abril celebrarase unha manifestación en Santiago na que se reclama, tamén, que remate o proceso xudicial contra o independentismo galego.