Prensa obreira

Galiza

Solidariedade coa familia, amizades e compañeir@s do bombeiro falecido D. Jorge Fariña Barral

Desde a Sección Sindical da CNT do GES de A Guarda, queremos manifestar o noso pesar e condolencias pola morte de D. Jorge Fariña Barral, o pasado 18 de xaneiro de 2016 na academia de seguridade pública (AGASP) mentres executaba as probas para a obtención da cualificación profesional de Bombeiros que se estaban a celebrar nesta academia. Que a terra che sexa leve compañeiro.

A CNT reclama vagas de português para secundário

A instâncias da associação Docentes de Português na Galiza, a CNT junto com outros sindicatos reclamou hoje perante o Diretor Geral da Educação, Manuel Corredoira, a convocatória de vagas de língua portuguesa nas oposições de 2016.

Ato de entrega

O alunado de língua portuguesa aumentou consideravelmente, passando de 861 no ano 2014 para 1841 em 2015 segundo dados da DPG, uma procura que se impõe como tendência apesar de não estar acompanhada pola provisão de postos de trabalho: o número de vagas de especialistas de português é atualmente ZERO. Representantes da DPG destacam que «estas vagas são cobertas por professorado do centro que conte com horas livres que se possa encarregar de lecionar essa disciplina, facto que não garante a continuidade nos anos posteriores».

Primeiros acordos con Médicos Sin Fronteras

Con data de 31 de Agosto de 2015, a nosa compañeira e delegada da sección sindical da CNT en Médicos Sin Fronteras veu reducida, de forma unilateral por parte da Organización, a súa xornada laboral e o seu salario nun 20%. Pouco despois, presentábase a impugnación desta reducción, demandando a restitución das condicións anteriores.

Esta semana, antes de entrar ao xuízo, chegouse a un acordo coa Organización polo cal a nosa compañeira recupera as súas condicións laborais.

Acordo no restaurante Sicilia in Bocca

acordo no siccilia in boccaA CNT ven de asinar un acordo para o seu afiliado no local de hostalería compostelana Sicilia in Bocca. Este beneficioso acordo para o traballador permítelle pasar de ter contrato por tempo determinado a un contrato indefinido, á ampliación de horas respecto as que facia actualmente, a que se lle respecten os horarios e dias libres e ao aumento proporcional da xornada de traballo de maneira prioritaria no caso de que aumente a carga de traballo no restaurante.

Equilibra salud: os abusos patronais non dan tregua polo Nadal.

Esta ía ser una nota informativa para comunicarvos e celebrar a constitución da sección sindical de CNT na empresa “Equilibra Salud” S.L. Que a clase traballadora se organice para defender o seu é sempre unha boa nova, ademais de ser o que motiva a nosa existencia como sindicato, pero -como nos chistes- temos que dar unha noticia boa e unha mala.

Panadería Vila de Cedeira, paga o que debes.

O SOV da CNT de Ferrol ven de presentar reclamación por cantidades á panadería Vila de Cedeira, pola débeda que mantén cunha compañeira cuxo contrato rematou sen ser renovado.

A devandita empresa, que esixe maratonianas xornadas de traballo cando ten que cubrir encargas de empanadas para grandes superficies, tampouco aposta pola velocidade á hora de pagar os cartos tan duramente gañados.

Estación de Servizo Coirós explota e despide.

Neste eido da loita sindical hai momentos nos que a tomadura de pelo por parte da clase empresarial (e a cómplice inactividade daqueles que deberían garantir o cumprimento da lei e, por iso, as nosas garantías laborais e dereitos) acadan niveis de ridículo tais que un dubida de se o motivo, por unha vez, en troques da habitual cobiza non será algunha forma grave de ignorancia.

Continúan as sancións en Médicos Sin Fronteras

As traballadoras e os traballadores de Médicos Sin Fronteras continúan a ser obxecto de sancións disciplinarias por non acadar os resultados esixidos pola Organización. Estas sancións derivan da aplicación cláusula sétima do anexo dos contratos, no que se estipula que de non acadar 6 socios á semana o traballador/a recibirá unha sanción, reservándose a Organización o dereito a un despedimento disciplinario da traballadora ou traballador no caso de ser amonestada/o varias veces.

CNT, as eleccións e a abstención activa

As eleccións deste 20 de decembro representan un momento importante no proceso de mobilizacións que se iniciou en 2011. Por iso chegou a hora de que a esquerda en xeral adopte unha sa dose de realismo. Hai que pór os pés na terra e recoñecer que non existe unha vía fácil nin rápida á transformación social que moitos buscamos. A evidencia histórica é abafadora neste sentido: despois de século e medio de experimentos e propostas de todo cuño, ningún dos moitos partidos que se presentaron ás eleccións con propostas de cambio social (e mira que son!) logrou os seus obxectivos a través das institucións. Nin sequera cando alcanzaron o poder, conseguiron por si sós (isto é, sen unha forte mobilización que lles apoie na rúa) realizar ningunha das modificacións que se propuñan de partida. Efectivamente, a historia demostra que a vía institucional, a participación en eleccións e a ostentación de cargos, non son en absoluto formas de consolidar a capacidade política conseguida mediante a mobilización e a participación, senón ao contrario, a mellor maneira de dilapidala. Exemplos hai moitos, desde o propio PSOE, que leva desde 1879 causando vergoña allea, até o máis recente exemplo de Syriza en Grecia. Gañar unhas eleccións non é fácil, de seu, pero mesmo cando se consegue, o camiño ás transformacións que se propoñen segue sen estar despexado.

UNHA VEZ MÁIS, EN DEFENSA DO NAVAL.

O SOV da CNT de Ferrol participou na manifestación convocada polos comités de empresa de Navantia Ferrol e Navantia Fene para solicitar carga de traballo para os estaleiros.