Prensa obreira

Compostela

Manifestación contra a Lei de Depredación de Galiza

 

 

O vindeiro domingo día 22, acudiremos á manifestación contra a Lei de Fomento de Implantación de Iniciativas Empresariais, a Lei de Depredación de Galiza, que terá lugar na Alameda de Compostela ás 12:00.

Dita lei, aprobada o pasado día 18, dá liberdade empresarial para o expolio de Galiza desregularizando ámbitos como o eólico, forestal, mineiro, usos hidráulicos, cooperativas, etc. Apoiamos e asumimos como noso o manifesto contra a Lei de Depredación de Galiza.

Terra viva e vida digna para todas!

A CNT denuncia a irresponsable política forestal e de extinción de incendios da Xunta.

lumes nunca mais

  • O sistema volve a colapsar ante unha emerxencia que se repite ano tras ano.
  • As institucións continúan a facer ouvidos xordos ante as reclamacións de persoal e medios dos planteis contraincendios.

O presidente da Xunta, Alberto Núñez Feijoo, pide "un mínimo de sensibilidade e responsabilidade" aos incendiarios. Namentres, decláranse máis dun cento de novos focos en Galiza esta fin de semana. Despois de miles de hectáreas calcinadas e de ter que lamentar a perda de vidas humanas, os responsables directos botan balóns fóra e bótanlle a culpa a outros, incluído Portugal.

XXV Jornadas Libertárias de Compostela

16/10/2017 19:00
19/10/2017 21:00

 

Chega uma nova edição das Jornadas Libertárias de Compostela, este ano com a participação de Patricia Janeiro, Carlos Taibo, X. Silveira e Iria Presa.

Todas as palestras decorrerão na Faculdade de Filosofia da USC às 19h, durante os dias 16-19 de outubro, e iremos aquecendo o outono com «A hotelaria mata», «Anarquismo e Revolução na Rússia», «Mercantilização turística do rural» e «O anarcossindicalismo de Manuel António».

O programa completo da 25 edição é o seguinte:

Cevichería La Sarita despide e non paga!

  • Cevichería La Sarita despide e non paga!A parella empresarial Nicolás Ferreyra e Marta González exemplos das piores prácticas da hostalaría.
  • Reclámanse cantidades por indemnización por despido, salarios impagados, vacacións non desfrutadas, actualización do convenio, diferencias de categoría e horas extras.

CNT inicia conflito co restaurante Cevicheria La Sarita polo recente despedimento dunha traballadora afiliada a este sindicato.

O establecemento rexentado pola parella empresarial Nicolás Ferreyra e Marta González fechou as súas portas en Compostela deixando na rúa á nosa compañeira. Despido realizado falseando documentación para tratar de cumprir cos formalismos estipulados na lexislación vixente.

CNT finaliza o conflito coa academia CESFOREM

  • A academia adebedaba unha importante cantidade de cartos a unha profesora.
  • CNT volve a por de manifesto a utilidade da acción directa.

A CNT de Compostela ven de lograr unha nova victoria no plano laboral fronte a academia CESFOREM, que adebedaba unha importante cantidade a unha profesora.

Ademáis das cantidades adebedadas pola finalización do contrato, a empresa tiña contratada á afiliada nunha categoría inferior ás tarefas que realmente realizaba, un tipo de fraude moi común nas academias de formación. A empresa tampouco lle aplicaba o convenio correcto, vixente desde xaneiro do 2014.

Novamente a CNT pon de manifesto que outra forma de sindicalismo no só é posible senon necesaria. O apoio entre iguais e a solidaridade entre traballadores é o que fai que este e outros moitos conflitos rematen satisfatoriamente para a persoa traballadora.

Conta connosco, conta con CNT.

Em lembrança de Rosa Bassave

Rosa BassaveHoje, 11 de setembro, é um dia de lembrança para a CNT pois já vão cinco anos desde que Rosa Bassave nos deixou.

Depois de uma vida inteira dedicada à luta contra a opressão e a dominação, contra o fascismo, o poder, o capital e o patriarcado, uma luta que percorreu muitos caminhos mas que a mantiveram sempre do lado que devia: ao lado da classe trabalhadora, das mulheres, dos fracos, das pessoas oprimidas, uma luta incansável além da perseguição, a repressão e também a doença, uma luta que a inscreve na digna história de luita da classe trabalhadora, da Galiza e, humildemente, do mundo.

Paralelamente à sua militáncia anarcosindicalista não descoidou outras frentes de luta, como foram o feminismo, participando na refundação de Mulheres Livres em 1988 e logo na Marcha Mundial das Mulheres, ou a intervenção cultural desde o Ateneu Libertário de Compostela, no que participava destacadamente na redação da revista (A)narquista. Dedicou-se com intensidade a propagar as ideias libertárias e feministas em múltiplas conferências e mítines ao longo dos anos. Teve também uma participação destacada nas reivindicações da memória histórica e na recuperação do conhecimento do passado revolucionário da CNT.

Cesforem Formación paga o que debes!

 

A CNT inicia conflito coa academia Cesforem por adebedar unha importante cantidade a unha profesora
O empresario Jose Manuel Otero négase a chegar a un acordo co sindicato
A academia Cesforem Formación manten un conflito laboral coa CNT polas débedas que mantén cunha profesora afiliada ao sindicato.
A profesora rematou o contrato do curso pasado sen que o empresario Jose Manuel Otero Regueiro lle pagara o correspondente finiquito.
Ademais o empresario tiña á traballadora contratada como profesora auxiliar cando realizaba tarefas correspondentes á categoría laboral de profesora titular, un tipo de fraude habitual nas academias de formación.
Por último, reclámase a Cesforem as diferencias resultantes da aplicación do novo convenio de ensinanza e formación non regrada que está en vigor de maneira retroactiva desde o 1 de xaneiro de 2014.
Desde CNT ínstase a Jose Manuel Otero Regueiro empresario de Cesforem a solucionar o conflito "de inmediato"  e a regularizar acorde á lexislacion vixente ao resto da plantilla da academia.
Jose Manuel Otero Regueiro paga o que debes!!
  • cesforem paga o que debes!A CNT inicia conflito coa academia Cesforem por adebedar unha importante cantidade a unha profesora
  • O empresario négase a chegar a un acordo co sindicato

A academia Cesforem Formación manten un conflito laboral coa CNT polas débedas que mantén cunha profesora afiliada ao sindicato. A profesora rematou o contrato do curso pasado sen que o empresario lle pagara o correspondente finiquito.

Ademais o empresario tiña á traballadora contratada como profesora auxiliar cando realizaba tarefas correspondentes á categoría laboral de profesora titular, un tipo de fraude habitual nas academias de formación.

Carta aberta a David Monllau, director de recaudación de fondos en Médicos Sin Fronteras

Desde a Sección Sindical da CNT en Médicos Sin Fronteras queremos desmentir a David Monllau, recente director de fundraising da organización, que o pasado 21 de xullo publicou un artigo na web oficial da ONG en contestación á repercusión mediática acadada tras dous anos de loita sindical.

Na CNT coñecemos de primeira man a importancia da independencia económica. Somos un sindicato autoxestionado, que rexeita as subvencións institucionais, onde o apoio mutuo entre iguais e a solidariedade son alicerces. Outra das nosas características é a horizontalidade, o que nos permite non ter esa estructura xerarquizada na que se podan diferenciar explotaroras/es e explotadas/os.

A independencia de Médicos Sin Fronteras (MSF) é posible grazas á precarización de centos de postos de traballo en todo o estado, aqueles postos que aseguran a obtención de fondos privados como son os das captadoras e captadores.

Na artigo, o señor Monllau -posta en marcha a maquinaria propagandística- fala do bo facer de Médicos Sin Fronteras, a súa responsabilidade e transparencia, para logo relatar as condicións «dignas» do plantel de F2F (equipos de captación de socias/os).

CNT solidarizase co CSOA Escarnio e Maldizer

  • mani Escarnio e MarldizerCondenase o desaloxo violento do centro social o pasado 30 de maio
  • CNT anima a participar na manifestación convocada para este próximo sábado 10 de xuño ás 21h na Alameda compostelana

A CNT súmase ao apoio de numerosas persoas e colectivos contra o desaloxo do compostelano Centro Social Escarnio e Maldizer que tivo lugar o pasado 30 de maio, e anima a participar na manifestación convocada para este próximo sábado 10 de xuño ás 21h na Alameda.

CNT denuncia o ERTE ilegal de Pórtico Comunicaciones

  • Portico logoDestapase outro entramado empresarial fraudulento que alega causas económicas para os despedimentos
  • O 25% da plantilla vese afectada pola suspensión dos seus contratos

A firma audiovisual compostelana Pórtico Comunicaciones ven de impoñer o pasado abril un Expediente de Regulación Temporal de Emprego (ERTE) para parte da súa plantilla alegando causas organizativas e produtivas.

CNT denuncia este ERTE por consideralo ilegal e ser na realidade unha maniobra do grupo de empresas patolóxico denominado Atlantida Media, que a compostelana Pórtico Comunicaciones forma, xunto coas empresas radicadas no Concello de Ames: Zenit Televisión e Cinemar Films.